Jibniha bil-ħelu, bil-frawli ħamran
minn tal-ħrejjef, leġġendi u ġrajjiet,
minn tas-sema mimli b’ħlewwiet.
Fis-skiet fis-skiet.
Qalli nitimgħek il-benna, tjubija.
Intiru ferħana fejn l-hena dejjiema
ħfief ħfief fuq tajjar is-smewwiet,
kelmiet b’fomm il-għana għas-skiet.
Sħan il-bewsiet.
Qalli ejj’ niżfnu t-tango mexxej
f’għar ħiemed fejn ħadd u fejn xej’
ma jwaqqaf ir-ritmu, it-tektik,
ma jwaqqaf il-pass tad-destin
tagħna t-tnej’.
U għaraft illi l-ħolma spiċċat.
Żverġnani u fellilli ġismi b’weġgħat.
Sqieni l-ilma demgħat miksurin.
Għerriqni fil-baħħ ta’ bla tmiem.
Ksieni b’frugħat. (c)
No comments:
Post a Comment