158

Hawnhekk jien biss numru-
xejn anqas u xejn aktar.

Jien numru ngastat f’moħħ il-fidili
li hemm jiġru mas-saqajn,
niżlin u tilgħajn, f’toroq il-belt
b’bagalja tal-ġild f’id
u mobajl fl-id l-oħra.
Jien numru ngastat f’moħħ dawk
li fil-karnival ‘kuljum preċett’ jilbsu
ġiġaġa bajda silġ friżat
u għal kull għax għandhom imma.
Jien numru ingastat f’moħħ ommok,
li mindu beżqitek qatt m’għallmitek
li aħna nies tad-demm u l-laħam, ukoll.

U forsi m’aħniex, ukoll! (c)